UEFA Women’s European Championship quarter final inkhel hmasa berah England in champion tura rinkai Spain an barakhaih a, extra-time ah 2-1 in an hneh.
Nilaini zana Amex Stadium a inkhelah a thlengtu England hian si an phur hmasa zawk a. First half a chungnung zawka tang Spain in goal khung lo mahse chawlhlawk hnuah an khung thuai a. Minute 54-naah Athenea del Castillo siamsak chu Esther Gonzalez chuan a khung.
Team tha Spain lakah England an tang ve tlat a, second half tawp dawn lamah an si phurh an sut. Substitute bench atanga dah luh Manchester United player pahnih Alessia Russo leh Ella Toone te inkawpin goal an thawkchhuak a. Striker Russo hian ball a tauh thlak chu Toone hian goal-ah a chantir.
Goal an neih hnuah England an phur a, extra-time an khelh atanga minute 6-naah Georgia Stanway chuan chakna goal ropui a khung.
Lionesses hi an coach Sarina Wiegman hnuaiah a zawna match 18 an tlawm tawh lohna a ni a. A zawnin hmeichhe inelna lianah semi-final a tum li nan an thleng.