Aizawl : Kum 2020-21 chhungin Kolasib district-ah naupang kum 5 hnuai lam thi 27 an awm a, kum 2021-22 chhungin 31 an thi bawk.
Kum 2021-22 chhunga naupang thi zinga 10 te chu kar khat la tlinglo te niin, thla 1 leh kum 1 inkar mi thi 12 an awm a. District Hospital-a thi 19 awmin, in lama thi 1 a awm. Naupang thih chhan tarlan zinga tam ber chu Pneumonia leh Birth asphyxia/respiratory failure vang a ni.
Kolasiba maternal & child health review meeting nimina neiah thutkhawm kaihhruaitu Kolasib Bawrhsap John LT Sanga'n naupang thihna chungchang chu zirchiana a țul anga hma la thuai turin committee member te chu a chah.
Chief Medical Officer Dr. Lalawmpuia Chhangte pawhin Kolasib district mipui ten hriselna kawnga hmasawnna an neih theihna tur leh nausen, naupang leh nu, nau pai thihna tihtlem kawngah mahni hmazawn țheuha theihtawp chhuah turin member-te chu a ngen bawk.