Mallu batsman tha Sanju Samson chu India senior team a batsman pawimawh KL Rahul thlaktu tur atan ko a ni a. West Indies nen match nga khelh tur T20 international series-ah Rahul ai a khel ang.
He T20I series hi Zirtawpni zan khan Trinidad and Tobago a Brian Lara Cricket Academy-ah match hmasa ber an khel tan.
KL Rahul hi Covid 19 a kai avangin India squad-ah a tel thei rih lova. Wicketkeeper-batter Samson hi West Indies a ODI series khel squad a tel sa a ni a, T20 squad-ah telh ni lo mahse Rahul thlaktu atan ko luh a ni.
Rahul hi T20 bikah India first-choice opener a ni a. May thla a Indian Premier League a zawh hnuah hliam a neih avangin zai a ngai a. Tunah dam tawhin West Indies hmachhawn hi a kir lehna tura ngaih a ni a, mahse team a zawm hma in Covid 19 a kai tih hmuh a ni.
India in top order batsman duhthlan tur an ngah a, tunhnaia hmasawn tak Rishabh Pant leh captain Rohit Sharma inkawp enchhinna pawh tunhnaiah an lo nei tawh.
Samson hian India tan kum sarih chhungin T20 international match 14 a khel tawh a. Tualchhung inelnaah T20 match 218 khel tawhin India rama batsman hmuhnawm ber zing ami a ni.