Spanish midfielder Cesc Fabregas chuan Italy a pan a, Serie B club Como chu free transfer in a zawm dawn.
Thawhtanni khan a club thar tur hian Fabregas chu an khuaah a lo lut tawh tih an tarlang a, season liamta a zawh rual khan Monaco a chhuahsan.
Kum 35 mi Fabregas hian kum 2019 khan Monaco hi Chelsea atangin a zawm a. French club tan vawi 68 inkhelin season liamta khan inhliam avangin Ligue 1 match hnih chiah a khel thung.
Thawhtanni a club a medical nei Fabregas chuan Monaco a season a hman zawh tak chu professional football a khelh chhung chauh ni lova a nun pum a kum harsa ber a la nih thu a sawi a, football chawlhsan thleng a ngaihtuah hman thu a lo sawi tawh.