Chelsea captain Cesar Azpilicueta chuan chhuak tur anga kumin chhung sawi a nih tawh hnuah a hmalam hun a thlung nghet a, kum 2024 thleng daih contract thar a ziak.
Kum 32 mi Spain right-back hian kum khat contract a la nei chungin tun nipuiah Barcelona a pan mai dawn niin sawi a hlawh hle.
Kum 2012 khan French club Marseille atangin Chelsea hi a zawm a. An tan vawi 476 inkhel tawhin goal 17 a khung tawh.
“He club-ah hian ngainat leh duhsak ka hlawh a, kan hma a team thar kan duan mek hian min ti phur hle. Kan zinkawng zawh dun tur hian min ti phur a, he club captain ka ni hi ka inchhuang a, chanchin ngaihnawm tak tak kan neih belh zel theih ka beisei.” tiin Azpilicueta chuan a sawi.