Israeli thisen kai, Marvel Actress lar Gal Gadot hian kum reilote chhungin Hollywood-ah hming a chher der tawh a, ‘Wonder Woman 1984’ (2020) atang phei kha chuan hnung lam a hawi leh tawh lo.
Film chan man a pung thur thur mek a, ‘Red Notice’ film-a Dwayne Johnson (The Rock) leh Ryan Reynolds te nen an inlan phei kha chuan a chanpui mipa pahnih te hlawhzat ang vel hlawh pha hialin, $Maktaduai 20 a hlawhchhuak.
Tunhnai khan Wonder Woman 3 bakah Marvel Movies thahnem taka inlan tura sawm a ni a, a hmabak a enin, sum leh pai tam tak, larna leh hmingthannain a umzui zel dawn a ang hle.
Tunah hian Netflix film thar, ‘Heart of Stone’ ah inlan turin Gal Gadot hi a inbuatsaih mek a, a lo berah spy thriller ah hian $Maktaduai 20 aia tlem lo chu hlawh ngei ngei tura ngaih a ni.
Fast & Furious atanga lemchan khawvel dailut a, entertainment industry-a sawm hlawh ber pawh ni chho ta Gadot tan hmabak a eng tulh tulh a ni mai a, a chanpui hmeichhe dang tan paw’n er tham lawih a tling ta.