Iraqi actress lar Enas Taleb chuan British chanchinbu The Economist lakah thubuai siamin, ‘Arab hmeichhe thau’ tih article an ziaha a thlalak an dah chu a lungawi lo hle.
Taleb hian a phalna leh remtina la hmasa lova a thlalak an lo hman ve ngawt avang leh a mimal thil zahpahna tel lova an lo thehdarh kual vel chu engtikawng mahin a pawm thei lova, a thalak lehzel an tidanglam (photoshopped) phei chu a la na hle.
Heti ang hi a nih avangin Taleb hian a theih chen chena thui kal a inhuam a, UK chanchinbu lakah chuti maiin tlawm a tum lo.
Article inziakah hian, ‘Why Women Are Fatter Than Men in the Arab World’ tih thupui dah a ni a, July thlaa tihchhuahah khan kum 42 Taleb thlalak dah a ni a, thla kaw kaltaa Babylon International Festival, Iraq-a neiha a inlanna kha a ni nghe nghe.
“Milar leh hriathlawh ka nihna na hre lo te pawh a ni ang. An thil tih hi ti fuh lo an ti ngei ngei dawn,” tiin Taleb hian al-Arabiya TV a hrilh.