Marcus Rashford chu French champion Paris Saint-Germain in an ngaihven niin sawi awm mahse Manchester United chuan tun nipuiah hralh an tum lo.
Kar hmasa khan Rashford-a aiawhte leh PSG hotute hi Paris-ah inbiakna an nei tih tunhnaiah tihdarh a ni a. United hian an player hi an hralh loh tur an tichiang nghal.
French club hian forward lakluh belh an rilruk nia sawi a ni a, Rashford hi an enthlak zingah a tel. Nimahsela United hian Rashford chungchangah eng inbiakna mah neih an tum lo.
Coach Erik ten Hag chuan, “Mi pawimawh a ni a, club ka zawm tirh atangin a inpekna a fakawm hle a, chhuahtir hi kan phal lo. Kan squad-ah mi pawimawh tak a ni.” tiin a sawi.
PSG hian nikum lam atang tawh khan Rashford hi an ngaihven tawh niin sawi a awm a. Hetihlai hian United-ah kum khat contract la nei a ni a, kum khat dang ziah belh theihna la nei a ni bawk. Player lamin contract thar a duh avangin United nawr nan club dang nen sawizawm an nih thu a darh nia ngai an awm bawk.