Miss Universe chanchina thil mak danglam tak vawikhatna ni hial turin kum 70 chhunga a hmasa berna ni turin pasal pawm lai nei leh Nu te’n Miss Universe intihsiaknaah an tel thei dawn ta.
Miss Universe huaihawttute chuan dan khirh tak an lo neih thin tidanglamin, tuna tang chuan pasal pawm lai nei leh Nu te chu crown chang thei ngei turin remchanna siamsakin, kawng an hawnsak ang.
The National chanchinbu tarlan danin, he dan thar hi 2023 edition atanga kalpui tan tur a ni ang.
Inhuam zau ta hle
Miss Universe thuchhuah siamah, “Hmeichhiate hian an hringnun kal zel turah agency an nei ngei tur a ni, tih hi kan rin dan a ni a, an hlawhtlinna tur kawng an sialnaah pawh an mimal thutlukna chu daltu a ni ngai lovang tih kan pawm bawk,” tih a ni.
Tunhma zawng kha chuan hmeichhia kum 18 atanga kum 29 inkar, pasal la nei ngai lo emaw fa la nei lo te chauh he intihsiaknaah hian tel remtihsak leh phalsak an ni a.
Amaherawhchu, dan tharah hian pawmlai nei leh nu te kum bithliah tur erawh mumal taka sawi chian emaw tarlan a la awm lo thung.
Hetih lai hian, Official confirmation hi chanchin buatsaih lai hian tarlan a awm lo bawk a, an tihchian thuai beisei a ni.