National Basketball Association chuan Boston Celtics legend Bill Russell chawimawi nan an league-ah no.6 jersey chu hak theih tawh loh in na chawlhtir.
Khawvela basketball inelna lian hian Zirtawpni zing khan an thutlukna hi National Basketball Players Association nen an puang.
Russell hi NBA chanchin a league pum a jersey hak theih tawh loh a chawlhtir player hmasa ber a ni a. NBA team 30 ten no. 6 thar an nei tawh dawn lo.
July 31 a thi ta Russell pual hian tun season-ah NBA player zawng zawngin amah hriat rengna an jersey-ah an nemkai vek dawn a, court tinah pawh Russell-a hriatrengna hi tarlan a ni dawn.
NBA commissioner Adam Silver chuan, “Russell-a hlawhtlinna nasa tak leh khawtlang tana a thawhna lian tak te hi uar leh danglam taka chawimawi phu a ni.” tiin a sawi.
Russell hi vawi 11 NBA champion ni tawh, NBA Most Valuable Player vawi nga ni a NBA All-Star vawi 12 ni thei a ni a. NBA a player \ha chawimawina All-NBA First Team-ah vawi thum leh All-NBA Second Team a vawi 8 lang a ni.
NBA a no.6 ha laite chuan an hak chhunzawm thei dawn thung a, tun dinhmunah season liamta khan mi 25 in no.6 hi an ha mek.