An sum dinhmun tha lo leh harsatna a siamte awm reng chunga nipui player bazar a sawi hlawh taka che thei Barcelona in beisei loh dan takin bul an tan a. Rayo Vallecano lakah goal an khung thei lo.
Inrinni zana Camp Nou a an inkhelh hma ni ah Barca hian an player tharte an ziak lut hman hram a, hemi tur hian an sumdawnna hralh then a ngai.
Khelmual an luhin an mi thar zinga pathum - Robert Lewandowski, Raphinha leh Andreas Christensen ten bul an tan vek a, mahse eng an la an pui phah lo.
Nikuma 12-na Rayo inkhel a fakawm a, Lewandowski-a’n Barca tan minute 12-naah goal a khung chu offside avanga pawm loh a ni a. Raphinha leh Ousmane Dembele te pawhin goal an khung teuh.
Barcelona coach Xavi Hernandez chuan, “Beiseina a san em avangin 0-0 hi a lungawithlak loh tih ka hrethiam. Kan inenfiah anga, lawmawm lo mahse dawhtheih pawh a ngai ve.” tiin a sawi.