Serie A lallukhum humhim turin AC Milan in thawm ring tak neiin bul an tan a. Udinese lakah goal li khungin 4-2 in hnehna an chang.
Italy a league sang ber bul tan zanah Milan in San Siro-ah an mikhualte nen football hmuhnawm an khel a. An tan Croatia international Ante Rebic chuan goal hnih khungin Theo Hernandez leh Brahim Diaz ten goal an khung belh.
Milan hian second 90 chhungin goal chhuah nghal mahse an tho leh thei a. Udinese defender Rodrigo Becao chuan corner atangin goal hmahruai a tauh lut.
First half-ah Milan in sutin hma an hruai zui a, mahse Udinese hian halftime hma in Adam Masina hmangin an si phurh an sut leh a. Second half-ah erawh Milan in goal hnih chhanlet lohin an khung.
Inrinni zan inkhel dangah Milan hmelma Inter Milan pawhin hnehna changin bul an tan a, Lecce 2-1 in an hneh.
Via del Mare-ah Inter tan striker Romelu Lukaku chuan a lo kir lehna inkhelah goal a khung a. Hei hi second half-ah Assan Ceesay chuan Lecce tan sut mahse huntawp dawnah Dutch wing-back Denzel Dumfries chuan Inter chakna goal a khung.