Tunhnai maia saruak thlalak nena inlan Ranveer Singh thu leh hla a reh mai thei lova, nimin khan Mumbai Police-in thu zawhfiah atan an ko.
Magazine photoshoot pakhata Bollywood actor inlan dan hian ramchhung ah inhnialna nasa tak thlenin, sawi leh sel a kai nasa a. August 22 hma ngeia police hmaa inlan tura hriattir a ni.
Nimin piah khan Mumbai Police team te chu a chenna In ah an kal a, mahse Mumbai-a a awm loh lai tak a nih vangin hmalak zui mai theih a ni lo.
Ranveer lakah hian July 26 daih tawh khan FIR thehluh a lo ni tawh a, Chembur Police Station chuan an lo dawngsawng. Saruak thlalaka hian hmeichhiate rilru a ti na thei, tih a ni.
Ranveer saruak thlalak hi Paper magazine chuan July 21 khan a vawikhat nan online-ah an phochhuak a, mi tam tak barakhaih in, sawi laih laih a kai nghal.
Hetih lai hian, Ranveer vs Wild with Bear Grylls’ chuan en a hlawh hle a, Adventure lam ngaina te tan hmetchhuah hmanhmawh chi a ni ang. Megaster Ranveer Singh leh mihrang khawkheng Bear Grylls te’n Serbian ramnaw luhchhuah a, pangpar vâng tak mai la tura an chechhuahna hi thinphu dep depin i en ang. Darkar khat leh minute 10 awh documentary hian fan ngam loh ram a fanpui dawn che a ni.