Tunlaia Bollywood film boycott tura ngenna leh hmalakna kal vut vut chu Indian milarte tan manganna tham a tling ta.
Akshay Kumar chuan boycott culture hian film industry leh ram economy-a tan tawrhna namen lo a thlen, a ti.
Hindustan Times-in a kawmnaah, “Thil dik leh dik lo hrethiam a, thliar hrang turin mite hi an fing fel em em tawh. Heti ang hi ti lo turin ka ngen duh a, rilru mumal tak pu a, boycot culture hi tihtawp a hun.
“A nih loh chuan thil tha a ni dawn lova, industry tin mai hian a tuar ang. Tute pawhin ngaihdan kan nei tawh a, film siam a nih hian sum tam tak leh tha tam tak a inrawlah tawh a ni.
“India economy a nghawng vek a, indirect takin tute pawh hian a nghawng kan tuar a, hei hi mite hian an hriatchian thuai ka beisei hle a ni,” a ti.