India ramah darkar 24 liam ta chhungin coronavirus kai mi 14,917 hmuh chhuah leh hman niin mi 4,42,68,381-in an kai ta a, enkawl lai chu tlema pung lehin mi 1,17,508 an la awm mek tih union health ministry chhinchhiahnaah tar lan a ni.
Darkar 24 liam ta chhung hian mi 32-in hri hi thihpui leh hmanin mi 5,27,069-in an thihpui tawh a, heng zinga pali hi Kerala-a a hmaa thi tawh chhinchhiah thar an ni.
Darkar 24 liam ta chhunga sample endik zinga 7.52% chuan hri an kai tih hmuh niin chawlhkar khat liam ta chhunga endik zinga 4.65%-in an kai bawk.
A kai hmuh tawh zawng zawng atanga chhutin enkawl mek hi 0.27% an la ni.