British ziaktu ropui JK Rowling chuan thaha vauna a dawng ta a, police lamin uluk takin an chhui chho nghal.
‘Harry Potter’ series ziaktu lar hi tunhnaia British ziaktu lar tho Salman Rushdie laka tharum thawhna nasa taka thlen hnu-ah thaha vauna dawngin, ‘ A hun a lo thleng thuai dawn’ hriattir a ni a, Iran-in a thlawp firfiak ho in an tinzawn.
Rowling hian tunhma pawh khan trans activist leh mipa/hmeichhia a hmuh dan tlang taka a sawi thin vanga firfiak ho huat leh ngeirawn a lo thlawh tawh a, Rushide-a nunna lak tuma chetna a thlen hnu phei chuan a nunna atan a him lo lehzuala ngaih a ni.
“Min thlawptute leh ka tana ding tlattute chungah lawmthu ka sawi a, ka lawm. Police an inrawlh tawh a, engkim a fel thuai turah kan ngai,” tiin Rowling hian a sawi.
Tunhnai khkan Buffalo, New York-a conference pakhatah Salman Rushide chu vawi 15 chuang chem hmanga viah a ni a, free speech chungchanga lecture a neih laiin, bei a tawk thut a ni.