Atletico Madrid forward Alvaro Morata chuan La Liga a a kir leh zanah duhthusam in bul a tan a, goal hnih khungin Getafe lakah a team 3-0 in a chakpui.
Thawhtanni zanah Atletico Madrid hian La Liga season thara an match hmasa ber Estadio Coliseum Alfonso Pérez-ah Getafe nen an khel a. Substitute Antoine Griezmann chuan huntawp dawnah an goal thumna khungin khawlum tak hnuaia inkhelah Atletico in chiang takin hnehna an chang a. Goal khung belhna remchang an hloh nual.
Rojiblancos tan Portugal forward Joao Felix chuan an team tan a pawimawh telh telh tih lantirin an goal khungna kawngah a khaipa ber a ni a. Goal lut zawng zawng a siamsak vek.
An lakluh thar Belgium midfielder tawnhriat nei tha Axel Witsel chu a kheltha hle bawk a. Tlarhnungah a laiah khelhtir niin Getafe forward Borja Mayoral a veng hneh.
Atletico coach Diego Simeone chuan, “Hmasawnna tur a la tam, mahse kan bul tan dan a tha hle.” tiin a sawi.