India ramah darkar 24 liam ta chhungin COVID-19 kai mi 8,813 hmuh chhuah leh hman niin mi 4,42,77,194-in an kai ta a, enkawl lai mek chu mi 1,11,252-ah a thla thla bawk.
Darkar 24 liam ta chhung hian mi 29-in thihpui leh hmanin mi 5,27,098-in an thihpui ta a, thi chhinchhiah thar zinga mi pakhat hi Kerala-a a hmaa thi tawh, chhinchhiah thar a ni.
Hri kai enkawl lai chu mi 6,256-a tlahniam lehin a kai hmuh tawh zawng zawng atanga chhutin 0.25% an ni mek a, 98.56% erawh enkawl dam an ni tawh thung.
Hri kai enkawl dam tawh hi mi 4,36,38,844 an tling tawh a, 1.19%-in an thihpui tawh thung.
Darkar 24 liam ta chhunga sample endik zinga 4.15% chuan hri an kai tih hmuh niin chawlhkar khat liam ta chhunga endik zinga 4.79%-in an kai tih hmuh chhuah a ni bawk.