Zalenna ni hi hmang liam puat lovang u
India in a zalenna ni champha vawi 76-na a lawm zo chiah a, hemi hun chhung hian kan ramin eng nge kan dinhmun ni ve reng reng, tih hi kan inzawt ngai em le?
Ram a din tawh chuan hnam tam tak kan awm a tul a, chung a chhunga chengte dinhmun chu ngaihtuah tel ngai tak a ni. India in mahni kea a din hun kan hmanpui ve reng lai hian keimahni lam hian eng hmasawnna nge kan neih ve? Sorkar hrang hrang kan lo hrawn tawh a, min awptute hnen atang hian kan ram leh hnam hian eng hmasawnna nge kan hmuh ve reng reng tihte hi ngaihtuah tham tak a ni.
Sorkar hi chu a awm reng dawn. A kal ngaiin a kal reng dawn bawk. Chutih lai chuan chu sorkar atang chuan kan ram tan eng ang hmasawnna nge kan neih ve a, eng ang malsawmna nge kan hailuh thiam ve tih thleng hian kan ngaihtuah ngun a tul viau.
Zalenna ni hi kan hmang liam puat tur a ni lo a, keimahni atang hian eng ang hmasawnna nge awm tih ngaihtuah chungin, mahni intodelh chung leh kan theih lohna laia midangte rinchhan thiam chunga ke pen zelin hmasawn sauh sauh i tum ang u.
Sorkar tha siam theitu chu mipuite bawk kan ni tih hi kan hriatreng a tul awm e.