An mualah Liverpool in point khat hmu turin second half-ah goal an khung a, Luis Diaz chuan goal mawi khungin an si phurh a sut. Crystal Palace nen inkhelin 1-1 in an inhnehtawk.
Anfield-ah Reds in tun season a vawikhatna atan Premier League inkhel an hmachhawn a, an striker thar Darwin Nunez chuan second half-ah Joachim Andersen a tauh luih avangin red card a hmu.A goal hleithei lo
Liverpool in an mualah an football tha an khel a. Inkhel tan tir atang tlan taima zawk leh ball chang tam zawkah an tang a, inkhel an thunun.
Mahse goal chhuah hmasa zawkah an tang thung. Counter-attack a hlauhawm thin team Palace in an remchang neih an hmang tangkai a, Eberechi Eze ball pass tha tak mai chu Wilfred Zaha chuan tihsual nei miah lovin goal-ah a khung.
Liverpool tan striker manto Nunez-a’n chet that a tum hle a, mahse a che fuh hleithei lo. Ball a khawih tlem hle a, Palace centre-back Andersen-a’n hneh takin a vil thin bakah ti tang ulh tawk turin a chhaih buai thiam.
Minute 57-naah Nunez-a tang ulh a puak chhuak ta a, Andersen nena an innek deuh hnuah Danish centre-back hi a tauh lui a. Referee Paul Tierney chuan red card a pe.
Tlem zawk an nih hnua Liverpool khel erawh a fakawm hle a. An tlem zawk atanga minute li hnu lekah Diaz chuan a thiamzia pholangin mualsir atang ball lalutin goal mawi a ke dinglam in a khung.
Huntawp dawn thlengin Reds in na takin goal an nawr a, Mohamed Salah leh substitute Fabio Carvalho ten goal an khung teuh.
Lehlamah pawh Palace in chak theihna hun an nei a, Zaha bawkin ball tha hmu in goal ban a pet per hlauh.
Liverpool hian match hnih khel tawhin draw bak an la nei lo.Inkhel zawh lam
Liverpool manager Jurgen Klopp chuan Nunez-a red card chungchang a sawi a. A player thlavang hauh chungin a dim lem lo.
“Darwin khan a teammate te tan phurrit a siam tih a inhria. Naktuk lamah kan inhrilhfiah ang. Red card ngei a ni a, tih thinrim tuma cho a ni ngar ngar a, mahse khatiang khawsak kha a thiang lo.” a ti.
Crystal Palace manager Patrick Vieira chuan, “Point khat hmuh hi kan lawm, a pumpui a thlirin Liverpool in chance nei ngah mahse keini pawhin chance tha tak tak kan nei ve tho a. Kan result hi a lungawi thlak.”
“Kan tum ang takin kan player-ten an khel a, tang ulh awm lovin rilru fim tak nen, an tana inkhelh tih harsat kha kan tum.” tiin an ‘gameplan’ a sawifiah.