Mizoram a taekwondo inelna lian 24th Mizoram Official Taekwondo Championship leh 15th Mizoram Poomase Championship chu Thawhlehni khan R. Dengthuama Hall-ah an nei tan.
District hrang hrang atanga club 17 telna inelna hi Environment, Forest & Climate Change Minister TJ Lalnuntluanga chuan a hawng.
Ni li awh tur championship-ah hian infiammi mipa 160 leh hmeichhia 57 an tel a. Inelna hi chi hnih a kalpui niin Poomsae leh Kyorugi ah te an inel ang.
Inel dan tur hi huang hrang hrangah niin sub junior, cadet, junior leh senior-ah ten then a ni leh bawk a. Heng huang hrang hranga champion atang hian Mizoram a taekwondo thiam ber Champion of Champions title kawl tur zawn a ni ang.
Mizoram Official Taekwondo Championship hawngtu TJ Lalnuntluanga chuan infiammite chu tih takna nen hlawhtling ngei tura bei turin a fuih a, hlawhthlinna hmuh hma chu thil dang ti dem dum lovin taekwondo bei ngar ngar turin leh hlawhlinpui ngei turin duhsakna a hlan.
Taekwondo leh MATA hmalakna chu tha a tih thu leh kum naupang tê an nih atanga irtirna grassroot programme ngai pawimawhtu sports dicipline an ni chu an naupangten an than len zelah an thatpui ngei tur thu a sawi.