Aizawl : Lunglei Dist-a Vaisam, Chithar leh Lungsen khuaa zirtirtu inda- ihloh avanga harsatna chinfel dan tur ngaihtuahin nimin khan Lunglei South bialtu MLA Dr K Pachhunga hovin distr hotute leh School education deptt. hotute bakah sub-hqrs YMA Lunglei hruaitute an thukhawm.
Vaisam leh Chithar-a zirtirtu indaihlohna leh zirtirtu sawn chungchangah khawtlang leh zirlai nu leh pa an lungawi lova. RMSA School, Vaisam, Govt. Middle School, Vaisam leh Govt MS, Chithar te chu tun thla ni 1 atang khan khawtlang leh zirlai nu leh pa ten kharin zirtirtu school kal tur an adang a, School Education Deptt. hotute nen inbiin, Aug ni 10 atanga ni 31 thleng school hawn lailawk rem tiin, Chithar JAC pawhin Aug ni 22 thleng school hawn lailawk an remti.
Govt. Lungsen HS-a zirtirtu pahnih pawh sawn an nih avangin nimin atang khan tiamchin awm lovin school khar a ni.