India zalen champha vawi 75-na lawmna kal mekah BJP Mizoram Pradesh Aizawl district member te chu nimin khan Silai Muala Trinity Hospital chhehvel tifaiin an hnatlang.
BJP Aizawl district President Lallianzela’n thianghlimna leh faina kawnga ṭan la zel turin Mizo mipuite a ngen a. “Kan bawlhhlawh paih ten hnamdangte lakah kan hmai a tihbalh ṭhin avangin faina kawnga hma la zel turin Mizo mipuite ka ngen a ni,” a ti.
BJP Mizoram state IT & social media convener Lalramdinfela pawhin Silaimual, World bank road chu zin veivak te leh mi tamna a nih thu sawiin, lirtheia chuangte leh chawl khawmuang ṭhin te pawh faina ngaihpawimawh zel turin a ngen a. “Chawlh khawmuanna hmun kan neih te hi a tihnawktu ni lova, a vawngfaitu kan nih ṭheuh a ngai a ni” a ti bawk.