Kum 2019 khan Hrawk cancer vanga enkawl a ni a, 2002 kuma khum atanga a tlak vanga a ban vei lam nerve fuh hlei thei tawh lo chungin MEGADETH rocker Dave Mustaine chuan guitar perhah nghawng a neih a remti ngai lovan,g a ti.
Guitar World magazine chhuak thar berah, “Ka ban-ah hian thil bel leh dam tlat ngai hi a awm a, za ah za hmang thei lo mah ila, cancer nghawng leh a behbawm te thleng pawh hian ka guitar play hi a tihbuai emaw harsatna a thlen ka remti ngai lovang,” tiin kum 60 mi hian a sawi.
Doctor pakhat phei chuan guitar a perh tha thei tawh ngai lovang, tih hiala a sawi kha a ni a, a tumruhna leh beih hram hram tumna chuan hmabak eng tak a pe dawn niin a lang.
Hetih lai hian, thih a hlauh ngai loh thu te thlenga sawiin, 1993 khan Valium OD in hun reilote chhung khawvel a chhuahsan hman, a ti.
“Vawikhat ka thih tawh avangin ka thih leh pawh hi ka ring chiah tawh lo. Ka nat em em lai pawhin ka hlau lo, thih hi ka hlau lo. Ka inpeih em em reng mai a ni,” tiin Mustaine hian a sawi bawk.