India ramah darkar 24 liam ta chhungin coronavirus kai mi 9,062 hmuh chhuah leh hman niin mi 4,42,86,256-in an kai ta a, enkawl lai erawh a hniam lam zawnga kal chhunzawmin mi 1,05,058 an la awm mek tih union health ministry chuan a tar lang.
Darkar 24 liam ta chhung hian mi 36-in Covid hi an thihpui leh hman a, mi 5,27,134-in an thihpui tawh a. Thi chhinchhiah thar zinga mi paruk hi Kerala-a mi, a hmaa thi tawh, chhinchhiah thar an ni.
Hri kai hmuh chhuah tawh zawng zawng zat atanga chhutin enkawl lai hi 0.24% an ni mek a, enkawl dam tawh hi 98.57% an ni tawh thung tih ministry chuan a sawi.
Darkar 24 liam ta chhung hian enkawl lai zat hi 6,194-in a tlahniam leh hman.
Darkar 24 liam ta chhunga sample endik zinga 2.49% chuan hri an kai tih hmuh chhuah niin chawlhkar khat liam ta chhunga endik zinga 4.38%-in an kai tih hmuh a ni bawk.
Hri kai hmuh chhuah tawh zawng zawng zinga mi 4,36,54,064 chu enkawl dam leh tawh an ni a, 1.19%-in an thihpui tawh thung.
Mi 30 thihpui thar zinga paruk chu Punjab-a mi an ni a. Karnataka-ah mi pali; Delhi leh Rajasthan-ah mi pathum ve ve; Himachal Pradesh, Maharashtra leh Uttarakhand-ah mi pahnih theuh leh Chandigarh, Gujarat, Haryana, Ladakh, Odisha, Sikkim leh West Bengal-ah mi pakhat theuh an thi.