Enforcement Directorate (ED) chuan NSCN-IM hel pawl hruaitute nena inthlunzawm thil lak sawn theihte chu khawih chet theih lohvin a hreng.
Hel pawl hruaitute hi Rayilung Nsarangbe leh a nupui, Ruth Chawang leh Apam Muivah te niin The Hindu chanchinbu chuan a tar lang.
Nsarangbe hi an pawla colonel niin treasurer a ni bawk a, Apam Muivah hi an pawla prime minister, Ato Kilonser an tih secretary a ni ve thung.
Sum an hrensak hi Rs Vaibelchhe 6.88 a ni a, hengte hi bank-a pawisa awm, mutual fund leh insurance lama mite a ni.
ED hian National Investigation Agency (NIA)-in nikum December-a chargesheet an thehluh bawhzuiin an chhui a ni.
Naga hel pawl hi nghet takin Manipur leh Nagaland-ah inzar pharhin sorkar atanga sum kalte pawh an pawt peng nasa hle nia hriat a ni.
Manipur-ah hian kawng siamtu company-te atangin sum an dil a, chhiah tia hming vuahin pawisa tam tham tak tak an laksak thin.
ED hian Manipur-ah administrative district pali, Nsarangbe-a hnuaia awm awmin a hnenah hian sum a lut nasa hle niin an hria.
An pawisa khawnte hi an hruaitute hian an insem tlangpui thin a, a bak chu Nsarangbe nupui leh Apam Muivah hminga bank account-ah siamah an dah thin niin an hria a. Ruth Chawang-i account atang hian Apam Muivah hnenah hian an thawn (transfer) leh thin niin an hre bawk.