Aizawl: Lalawmpuia s/o Zaliana, Tlungvel Zotui veng chu a nupui, Lalnunmawii chuan a hrawk, a nghawng leh a kutzungte vei lamah a zaisak.
Thudawn danin, Lalawmpuia te nupa hi Tlungvel ram Rawnte- zau, Tuirial kamah thlam neiin ram an riak a, Thawhlehni zan khan Baktawng lamah thutthleng an order lak chungchangah inhnial thinrimin a hmeichhia zawk hian chawhmeh channa chemte chu la in a nghawng hmun hnih ah a zai a, a hrawk bawk khalh a zai bakah a kut veilam zungte a hlawi sak bawk.
He thil thleng chungchangah hian an thlam thenawm maia nu pakhat leh a mikhual pa pahnih luikal kawngpuia rawn chhuak te nen chhan an tum chuan a nupui hian tumah rawn inrawlh su tiin a chemte ken chu a vaikual a, mikhual te chuan inrawlhna chi ah ngai lovin an kalsan ta a ni.
An thlam thenawm nu chuan ram riak ve tho te chu phone hmangin a puna, anni an thlen hian Lalnunmawii hi thlam hnuai ah alo biru tawh a, Tlungvel VDP ten man in Kulikawn Police Out Post an hlan nghal a ni.
Lalawmpuia hi Thawhlehnnia zan khan khan Falkawn Referal Hospital ah kalpui nghal niin, Doctor te chuan hmun sarih ah an thui a, a nghawnga a vein pui hmun hnih a, zai chah pawh enkawl nghal vat a nih avangin ngaihtuahawm a nih loh thu dawn a ni.