Lucknow-a Chinhat veng atangin Cadbury chocolate bar Rs. Nuai 17 man zet ruk bo a ni a, Uttar Pradesh police chuan FIR ziak lutin an chhui zui mek.
Chinhut police station huam chhungah he thil hi Thawhtanni zan, Thawhlehni tuk vela thleng a ni a. Heng thil hi chocolate siamtute hian an kudam atana an hman a ni a, sweet eng emaw zat a bo bawk.
“Chinhat Police Station-ah FIR kan ziak lut tawh a, chinchang hria chuan min hrilh zel rawh u,” tiin chocolate distributor Rajendra Singh Sidhu chuan a sawi.
Chinhut Police Station-ah hian Indian Penal Code Section 380 hmangin thubuai ziah luh a ni.
FIR-ah hian Sidhu chuan in hi chocolate dah nana an luah a ni a, Thawhlehni tuk khan an thenawmte atanga phone call dawngin kawngka tihchhiat a nih thu an hrilh tih a tar lang.
Distributor hian rawktute hian kudam hi an tiruak vek a, digital video recorder (DVR) leh CCTV security camera kaihhnawih thil pawh an la chhuak vek tih a sawi.
Police chuan a chhui hna thawk nghalin a bul hnaia CCTV camera dang awmin thla a lakte uluk takin an en mek.