Aizawl: Aizawl North II bialtu MLA Dr Vanlalthlana leh Mizoram State Sports Council (MSSC) hruaituten nimin khan Ramhlun Sports Complex Field dinhmun leh hmun hma an enfiah.
RSC Field hi infiammiten an panna hmun pakhat leh hman tangkai a nih thin avangin tihchangtluna chei that theih beiseiin bialtu MLA hian MSSC hotute enpui tura a ngen angin a dinhmun leh hmun hma thawm that ngai te an enfiah a ni.
Dr Vanlalthlana hian MLA fund atang leh ama mi mal sum atangin basketball court leh wrestling hall a lo thawm tha tawh thin tih sawiin, MSSC nen a hmun thenkhat an en hona atangin boxing hall leh weightlifting hall-te MLA Fund atanga thawm that ngai te thawm that a tum thu a sawi.
MSSC hotute pawhin Sports Complex field hi a theih ang anga thawm that dan kawng zawn an tum thu an sawi bawk.
He hunah hian USAM hruaitute leh veng chhung Sports hruaitute pawh an tel a ni.