Hun rei tak an kalho theih loh hnu ah Blink-182 chuan reunion nei tuin an inkau ta a, Tom Delonge te nen an tihho leh a rin thu an puipa Mark Hoppus-a’n a sawi.
Tun thla tir khan kum 50 mi hian a bandmate hlui te nen an zai ho leh thuai a beisei tih a lo sawi zauh tawh a, beisei ngam chiah lo mah se, thil thleng thei lo engmah a awm lo tiin, a eng lam a hawi.
People magazine chhuak thar berah September 2021-a cancer enkawl dam Mark chuan, “Music ka buaipui reng a, Blink bung thar keu a lo ngai anih pawhin ka inhawng reng. Beiseina nen hmalam hun ka thlir a, kan thlen ho ngei pawh ka ring,” a ti.
Mark, Tom leh drummer Travis Barker (46) hian kum 5 chhunga a vawikhatna ni turin lymphoma cancer vanga khum beta awm Mark te nen hman deuh khan hmuh an ni a, heta atang hian rimawi khawvela band lar takte lakah beiseina sang zawk neiin, reunion pui tak an chhawpchhuah ngei an ring.