India ramah darkar 24 liam ta chhungin mi 12,608-in coronavirus an kai tih hmuh chhuah leh niin mi 4,42,98,864-in an kai ta a, enkawl lai zat erawh tlahniam zelin mi 1,01,343 an la awm mek niin union health ministry-in a tar lang.
Darkar 24 liam ta chhung hian mi 72-in an thihpui leh hman a, heng mite nen hian mi 5,27,206-in an thihpui tawh a. Thihpui thar zingah hian a hmaa lo thi tawh, chhinchhiahnaa telh thar Kerala-ah mi 29 an awm.
Hri kai hmuh chhuah tawh zawng zawng atanga chhutin a kai enkawl lai hi 0.23% an la ni mek a, 98.58% chu enkawl dam an ni tawh tih health ministry chuan a sawi.
Darkar 24 liam ta chhung hian enkawl lai hi 3,715-in an tlahniam leh hman a ni.
Darkar 24 liam ta chhunga sample endik zinga 3.48% chuan an kai tih hmuh niin chawlhkar khat liam ta chhunga endik zinga 4.20%-in an kai bawk.
Hri kai hmuh chhuah tawh zawng zawng zinga mi 4,36,70,315 chu enkawl dam tawh niin 1.19%-in an thihpui.