Aizawl : District Institute of Education and Training (DIET), Aizawl-in nimin khan Vanapa Hall, Aizawl-ah lawmthu sawina leh zirlai tițhate chawimawina hun an hmang a. School Education Minister Lalchhandama Ralte-in a hmanpui.
School Education Minister chuan DIET ațanga zirchhuakte chu an thiamna leh finnate Lalpa tan hmanga, missionary rilru pu turte, zirtir hna chu Pathian hna pawimawh a ni tih hre turtein a chah a. Hnam thinlung pua, Mizo hnam nihphung zahpui lova chawisang zawk tura chahin, “ma- hni ram changkansan chu hlawhtlinna a awm ngai lo a ni” a ti.
Sorkar thuchhuahin a tarlan danin DIET Aizawl hian kumin B.Ed result chhuakah top ten-a lang 7 an nei a, Lalțanpuii zadeng chu Gold medalist a ni. D.El.Ed-ah top ten mi 4 an nei bawk.
Kum 1952-a din Aizawl DIET-ah hian D.El.Ed zirlai 240, B.Ed zirlai 100 awm mekin, faculty 41 an awm mek bawk a ni.