Excise & Narcotics Department (END) chuan ni hnih chhungin hmun thumah heroin (no.4) an man.
August 17, 2022 zan dar 10:30 khan Zokhawthar Road, Champhai district-ah END hian heroin gram 126.050 (hawng 10) leh a neitu nia rinhlelh mi pahnih – Vanruatpiang, kum 40 mi, Zokhawmawi, Myanmar leh Lalthawmmawia, kum 32, Dungtlang, Champhai district-a khawsa mek nia inchhalte an man.
Hemi ni vek zan dar 10:50 khan Vaivakawn, Aizawl-ah heroin gram 102 (hawng 7) leh a neitu nia puh mi pahnih – Roengmawia, kum 25, Rangvamual, V Section, Aizawl leh Chingsamawi, kum 37, Darkhai khua, Tangzang District, Myanmar-a khawsa mek nia inchhalte an man bawk.
August 18, 2022 chawmhma dar 10:40 leh dar 11:20 khan Armed Veng South, Aizawl-ah heroin gram 301 (hawng 22) leh a neitu nia puh nupa, Lianlaia, kum 58, Zokhawthar, Champhai district, tuna Armed veng South, Aizawl-a khawsa mek nia inchhal leh Zaikhumi, kum 50, an man bawk.
END in heroin an man zawng zawng hi gram 529.090 (hawng 39) a ni a. Ruihhlo vanga man te hi dan tlawnchhanin thubuai siamsak an n.