VLC Media Player hi video streaming lam thilah chuan a hmasa pawl niin, 90s leh 2000s tir lama computer khawih pha chin tawh chuan a larzia in la hre ngei ang.
VLC media player hi movies leh TV shows en nana hman rim tak ni mah se, India ramah erawh VLC Media Player website hi sorkarin a ban (Khap) tlat mai kumin March atanga intan tawh niin, tun thleng pawh hian tlawh theih a ni lo.
Engvanga an website hi kharsak tlat nge a nih chungchangah RTI (Right to Information) hmangin Internet Freedom Foundation-in zawhna zawt ve bawk mah se, a chhan leh vang tuma’n an sawi thei lova, an hre hek lo.
Ministry of Electronics & Information Technology chuan July 14 khan ‘No information is available’ tiin an lo chhang ve mai bawk a, anni lam pawh hian an ban chhanah thuchiang pakhatmah an nei lo.
Tunah hian VLC Media Player website hi tlawh theih ni lo mah se, App Store emaw Good Play Store atanga app hi download theih tho a ni thung.