An midfield a khel tur player tha an dap kual nasa a, Manchester United in mi thar lakluh ngei duhin Real Madrid atangin Brazil midfielder Casemiro chu Pound maktaduai 60 vela lakluh an tum.
Kum 30 mi hi United hian an club a zawmna tur a nih chuan club a hlawh hnem ber zing ami nih tir an tum a. Juventus atangin midfielde Adrien Rabiot an ngaihven zui tak loh avangin a lam an hawi ta zui.
Kum 2013 a Real Madrid zawmtu Casemiro hian Real tan La Liga title pathum leh UEFA Champions League vawi nga a chawi tawh a. Erik ten Hag-a midfield thuam that nan lakluh an duh.
Kum 2025 thleng Real Madrid-ah contract nei lai a ni a, Spanish club hian United in contract lian zawk leh rei zawk an zawrh a nih chuan an player hian a lo thlang zawk a nih pawhin dan an tum lo.
Real Madrid hian French midfielder Aurelien Tchouameni an lakluh thar bawk avangin an player hi chelh duh mahse sum tam an hmuh theih dawn chuan chhuah an ui lo.