National Fisheries Development Board, Governing Body 9th Annual General Meeting-ah Fisheries Minister K Lalrinliana chuan nimin khan Mizormain lui dung nungcha khawina leh hum halhnaa hma a lan dan sawifiahin, tlang ram chengte’n harsatna an tawhte a thlen.
New Delhi-a thutkhawmah hian K Lalrinliana hian, tlang rama sangha dilte chu lui tui luang nasain a tihchhiat fo thin avangin dil siam that a ngai fo thin thu a sawi a. Sorkar enkawl fish farm te thuam that a tul thu leh fish farmers te'n tangkai zawka inzirna'n an hman dan tur ruahmannate a thlen bawk.
Fisheries Minister hian Mizoram sorkarin indigenous species (luidung/ tual to sangha) te tipung tura hmalak dan te, chakai tihpunna atan experimental farm an siam dante sawiin, he'ng atan hian India ram hmun danga PMMSY scheme hnuaia tanpuina an pek chhuah anga tanpui ve turin a ngen a. Mizoram sorkarin luidung nungcha humhalh nan Mizoram Fisheries Act leh Rules an siam tawh thu leh hemi hlawhtlin nan hian Mizorama NGO lian ber YMA-te ne'n thawhhona thuthlung an siam thu sawiin, tlawmngaia thawkte tha tihchak lehzual a nih theih nan tanpuina awm theite ngaihtuahsak turin a ngen bawk.
K Lalrinliana hian Mizoramah Fish Festival buatsaih a nih theih nan te, administrative fund leh State bakah District-a programme unit-te PMMSY hnuaia siam a nih theih nan te he thutkhawmah hian a thlen bawk.