Aizawl : C Lalsawivunga, MLA-in “ZPM chu mi beidawng ten beiseina thar an neihna tur party a ni” a ti a. Mi ram leh state dang te chu prime minister tur, CM tur te thlir chungin an kal thin nia sawiin, “Mizoramah pawh kan thlir thiam a pawimawh tawh hle” a ti.
Siaha-a ZPM party office-a mi- thar lawmluh inkhawm nimina neihah he thu hi C Lalsawivunga chuan a sawi a. MNF sorkara MLA rual zingah doctor leh engineer engemawzat awm mahse, an thiamna leh hriatna hmang thei lovin MNF President Zoramthanga hawina apianga an hawi a ngai si niin a sawi.
C Lalsawivunga chuan “Zoram rorelna hi Congress leh MNF kutah hun rei tak a awm tawh a, hmasawnna tak tak a awm lo” a ti a. “ZPM hi a hming hrim hrimah hian MNF te ang a ni lova, Zoram mipui zawng zawng a huap a ni” tiin, “Zoram mipuiin nakuma ZPM sorkar tur an nghak thup tawh a, Zoram nghahfak chu ZPM chiah hi a ni” a ti.
ZPM dinchhan chu Pathian thil tum tihlawhtling tur leh Pathian rorelna dik tak thlen tir a nih thu C Lalsawivunga chuan a sawi bawk.