India ramah kan awm a, kawng hrang hrangin hamthatna kan nei a, sorkar in theihtawp chhuahin a mipuite dinchhuahna tur kawng a ngaihtuah bawk. Chutihrualerawh chuan, mipui lam pawhin tih ve tur kan nei a, chhiah pek tur hrang hrang kan neihte pek ve hi kan tih ve tur liau liau a ni.
Ningani khan Taxation Department chuan an Auditorium-ah Mizorama Bank hotute leh Mizoram sawrkar hnuaia DDO te tan Goods & Services Tax(GST) chungchang inzirtirna leh inhrilh hriatna an buatsaih a, he hunah hian department hotuten chhiah pe tha duh lote lakah hremna pek a nih tawh tur thu hi an sawi chhuak a ni.
Mipui lam hian chhiah tenau thleng hian kan pe tha lo hle tih a chiang reng mai a, malsawmna min petu in kan tih ve tur min tuksak hi kan hlen ve hram hram a hun tawh tak zet a, chutiang tura inzirtir nasat pawh chu kan ngai hle.
Taxation dept. in hun an hmanna a thusawitu Commissioner of State Tax Kailiana chuan chhiah chu mipui pek khawm a nih avangin a nih dan tur dik takin sorkarah a lut tur a ni a, chutiang a nih theihna tur chuan theihtawp an chhuah zel dawn tih sawiin, chhiah pe tha duh lote lakah hremna pek an nih tawh tur thu a sawi a, hetiang deuh thak hian kal ngam tawh bawk se a thatna lai a awm ngeiin a rinawm bawk.