BJP Mizoram Pradesh President Vanlalhmuaka chuan Kristian ram, Mizoramin compensation sum duh vangin hmasawnna a hmu thei lo a ti.
Zirtawpnia an pisa-ah Political Session leh mi thar lawm luhna hunah thu sawiin Vanlalhmuaka hian, Mizoram hi sorkar laipuiin kawngpui tha pek tum mah se, compensation sum buaina avangin kawngpui tha chu laih theih a la ni lo a. State dangah compensation vanga kawng laih chungchangah harsatna an neih a hriat loh thu sawiin, “Keini Kristian ramah erawh compensation sum duh vangin hmasawnna kan hmu thei lo a, kan ram hmasawnna tur hian Mizoram mi tute pawh hian mawhphurhna kan nei theuh a ni,” a ti.
Vanlalhmuaka hian compensation itna avang harsatna thleng te leh mi retheite hamthatna tur PM Scheme chungchangah kohhran leh NGO te hian en liam mai mai loin, an inrawlh a hun tawh hle nia a hriat thu a sawi.