Aizawl: Indian Medical Association (IMA) Mizoram State Branch chuan an member pakhatin a hnathawhna hmuna kut a tuar chu duh loin, lungawi lohna lantir nan vawiin hian bagde dum an bel dawn.
Thuchhuah an siamah IMA Mizoram State Branch hian tun hnaia an member-in a hnathawhna hmun ngeia kut a tuar chu pawi an tih thu leh hriatthiam har an tih thu an sawi a. Hetiang hi doctor leh damdawi lama thawktute chungah thleng tawh lo tur an duh takzet thu sawiin, lungawi lohna lantir nan IMA member zawng zawngte chu an hnathawhna hmun theuhah vawiin hian an badge dum an bel dawn.
IMA chuan doctor-te leh damdawi lama thawkte venhimna danpui, India ram sorkar laipuiin a lo siam tawh bawhzuia IMA Mizoram State Branch-in Mizoram sorkara ‘The Mizoram Protection of Medical Service Personnel & Medical Service Institution (Prevention of Violence and Damage or Loss of Property) Act’ a theh luh tawh chu rang taka tihlawhtling tura an phut thu an tar lang bawk.