Aizawl: Excise & Narcotics Department leh Anti-Drugs Squad, Sub-Headquarters YMA, Champhai district thawk dun chuan heroin leh methamphetamine an man.
Ningani tlai khan Bethel Veng (Neuva Section), Champhaiah heroin gram 65.520 (Hawng 5) leh a neitu nia rinhlelh – Sawngsawmlala (27), Champhai Vengthar nia inchhal an man.
Hemi ni vek tlaiah Zote, Champhai district-ah methamphetamine tablet 50,500 (Kg 5.500) leh a neitu nia puh mi pahnih – Thangsiankhaia (26), Thinglei, Myanmar, Champhai Bethel Venga khawsa nia inchhal leh Zamlamsum (24), Thinglei, Myanmar-a khawsa nia inchhalte man an ni a. An hnen atang hian heroin gram 14 (Hawng 1) bakah ruihhlo phur nana an hman khawchhak bike, Kenbo 125 hrensak an ni.
Ruihhlo vanga mante hi dan tlawhchhanin thubuai siamsak an ni.
Ruihhlo dona kawnga thawktu Anti-Drugs Squad, Sub-Headquarters YMA, Champhai District chungah END chuan lawmthu an sawi.