AZL: Chairman, State Transport Authority, Mizoram, Aizawl chuan auto-rickshaw fare meter vuah tura tihna chu sut leh rih a nih thu a puang.
Nimina thuchhuah a siamah mipuiten sorkar rate anga Mizoram puma auto-rickshaw an hman theihna atan sorkarin auto-rickshaw zawng zawngah fare meter vuah turin July 7, 2022-a thupek a chhuahin thla ruk chhunga vuah fel tura tih a nih thu a tar lang.
Hetih lai hian metre zuartute lamin sorkar atangin phalna an la nei fel hman lo va. Fare meter test-na tur Legal Metrology-in test bench an la nei rih lo bawk tih a sawi.
Hetiang hi thil awm dan a nih avangin auto-rickshaw-a vuah tura chhuah chu thu leh awm hma atan tih tawp lailawk a ni.