Karnataka-a eptu hruaitu, BK Hariprasad chuan an state chief minister thutthleng chu a man a to hle niin a sawi a, Congress MLA hian BJP hruaitu hlui pakhat chuan Rs. Vaibelchhe 2,500 man lai niin a sawi tih a sawi.
“Chief minister nih châk hi an tam hle a, pawisa tam tham tak inrawlhna a ni thung a. BJP hruaitu hlun tak pakhat chuan Rs. Vaibelchhe 2,500 man lai niin a sawi a ni,” tiin Zirtawpni khan a sawi.
Karnataka-ah hian thla khat chuang chu chief minister tang lai, Basavaraj Bommai-a chu thlak a ni dawn tih thawm a ri zing hle a; mahse, tuna mi anga a dinhmun zawrh lai anga sawi erawh a vawi khatna a ni.
Lingayat strongman BS Yediyurappa chu tun hnai mai khan BJP rorelna sang ber, parliamentary board-ah member atan ruat thar a ni a, party hruaituten Bommai-a an chawlhtirna tura kawng hawnna niin an sawi bawk.
Hetih lai hian BJP Secretary Arun Singh chuan Bommai-a chawlhtir tumna a awm loh thu a sawi a, “Nakuma Karnataka inthlan hi a hovin, chief minister ni chungin kan hmachhawn ang,” a ti.
“Bommai-a paih tumna a awm lo va, kan hruaituten an la ringtawk a, a term a hmang zo ngei ang,” a ti.
Higher education minister, Bommai-a tana rinawm tak, Ashwathnarayan pawhin inthlan neih hma chu a chief minister dawn tih a sawi bawk.
“Chief minister tang lai hian a chhunzawm zel ang. Kan chief minister a ni a, khawi atang nge heng titi hi a lo kal kan hre lo,” a ti.
Delhi-a an party hotuten hruaitu thlak kual an tum nia sawi chu thutak a nih loh thu a sawi a, hetih rual hian insiksawi hi an tih fo a nih thu a sawi a. Yediyurappa pawh a hmain chief minister atangin chawlhtir a ni tawh.
BJP hian Lingayat leh Vokkaliga-te vote inbuktawk tak neih an duh nia sawi a awm a. Hemi tur hian Yediyurappa hi parliamentary committee-ah telhin chief minister atan Vokkalinga aiawh an awmtir ve thung niin an sawi.
Hetih lai hian Lingayat-te hi Karnataka-a cheng 18% chauh an ni phak a, Vokkaliga-te hi 15% chauh an ni phak bawk.