Pasal kut thlak ching laka phuba lakna film hmuhnawm leh mit tlai tak ni bawk ‘Darlings’ chu khawvelpuma Netflix film hmuh hnawm ber pahnihna a ni chho ta.
A thawnthu a kal tluang tha a, a changtute’n mawhphurhna an hlen hneh em emna dark comedy film hi kar hnih zawnin English tawng hmang lo film hmuhnawm zual top 10-ah a lang chhunzawm.
Alia Bhatt, Shefali Shah leh Vijay Varma te channa ‘Darlings’ hi Brazil, United Kingdom, Trinadad and Tobago leh South Africa ram tiamin ram 28-ah Top 10 zinga langsar pawl a ni chho der tawh.
India, Singapore, Bahrain leh Hong Kong-ah chuan Top 1 niin, dinhmun a sawhnghet hle.
He film hi non-English Indian original en nasa ber ni mekin, khawvelpum huap anga Netflix-a non-English original Indian film-in a khuh hawnna hit ber a neih hmasak ber a ni nghal bawk a, tlangzarh a nih phat khan en nan darkar maktaduai 24 an hmang zui nghal nia maw le.. A hit hle.
‘Darlings’ hi Netflix-in cheng vaibelchhe 75 lawihin leichhuak mah se, a hit em vangin a hlawkna namen lo a tel zut zut dawn a ni.