Jammu & Kashmir-a Rajouri district-ah, Thanamandi-a Ningania inbeihna thlengah junior commissioned officer a thi.
“Vawiin [Ningani] khan Thanamandi-a inbeihna thlengah Rashtriya Rifles JCO pakhat kah hliam a ni a, mi firfiak pakhat kah hlum a ni bawk. JCO hi a bulhnai inenkawlna hmunah lak thuai ni mah se a hliam tuar lovin a thi a. Mi firfiak dangte hi umzui zel an ni,” tiin defence thupuangtu chuan a sawi.
Thanamandi-a beihpui hi police, sipai leh CRPF ten an huhova an thlak a ni.
Inkahnaah hian sipai pahnihin hliam an tuar a, pakhat hi JCO hi a ni tih thuneituten an sawi.
Inkahna hi Karyote Kalas venga thleng niin venhim hna thawktute hian mi firfiak awm an awm tih thu an dawn bawhzuia Nilaini atanga beihpui an thlak tan tawhna a ni.
“Tukin khan sipaite hian an tawmna hi an hmu chhuak a, an lo kah hmasak avangin an chhang let ve a ni,” an ti.