Aizawl : Govt. Siaha College-in nimin khan Fresher Social an hmang a, MLA C Lalsawivunga leh AMC Councillor C Lalchhandami ten an hmanpui.
C Lalsawivunga chuan Siaha dist chu zirna lama chhuanawm tak an nih thu a sawi a. Civil service exam result-aa apiangin mi engemawzat hming a lang ziah thei fakawm a tih thu a sawi.
Govt. Siaha college-a Science subject zirna awm thin, tuna awm ta lo chu a chhan hriat a chakawm thu leh awm leh thuai se a duh thu C Lalsawivunga chuan a sawi a. “Ram leh hnam hmasawnna rahbi pawimawh ber chu zirna a ni” a ti a. “Thalai ten thawh tur an neih loh avangin zu leh ruihhlo lamah an tlan nasat phah” tiin “ṭhalai, lehkhathiam leh thiamlote tih tur leh thawh tur duang thiam sorkar ṭha kan mamawh a, chutiang sorkar ṭha nei tur chuan Chief Minister ṭha tak neih a ngai a ni,” a ti bawk.