Aizawl : Mizo photographers society (MPS) kum 10 tlin champha leh world photography day denchhena I&PR leh MPS tangkawpin Millennium Centre Atrium-a Grand photo and photo gear exhibition an buatsaih chu nimin khan CYMA President R Lalngheta’n a hawng a, exhibition hian vawiin thleng a awh ang.
Grand photo and photo gear exhibition-ah hian thlala thiam mi 65 te kutchhuak thlalak 190 phochhuah niin, Mizo thlalatu hmasate thlalakna hmanraw hlui te phochhuah a ni bawk. Thlalak phochhuah te hi a duh tan lei theih a ni.
Exhibition hawngtu CYMA President R Lalngheta chuan Mizo thalaite tan thlalak chu eizawnna tling a nih thu sawiin, Mizo thalaite ruihhlo laka fihlima, ruihlo dona kawnga tan la deuh deuh turin CYMA President chuan a ngen bawk.