Chinese mixed martial artist Zhang Weili chuan a vawi hnih nan New York khawpuiah UFC champion nih theihna hun a nei dawn a. Carla Esparza nen strawweight title an inchuh dawn.
November 12 a Madison Square Garden a neih tur UFC 281-ah UFC chuan an women’s strawweight title inchuh turin champion lai Esparza leh champion hlui Zhang te intumna tur a tifel hnai a. Fighter pahnihte hian thuphungin an remti tawh a, contract sign la ni lo mahse an zawrhtawh.
Fighter pahnihte pawh hian social media katlangin an intum tur hi an tichiang ve ve tawh.
Kum 34 mi Esparza hi a zawna vawi ruk chak lai a ni a. UFC women’s strawweight champion tum hnih ni lai a ni.
May thla khan Rose Namajunas chu UFC 274-ah split decision a hnehin a vawi hnih nan a champion a. Hemi hma hian women’s strawweight champion hmasa ber ni turin kum 2014 khan Namajunas tho hi The Ultimate Fighter-ah a hneh.
Kum 33 mi Zhang hian kum 2021 April a Namajunas laka a champion title a hloh hnuah rematch-ah pawh a tlawm leh a. Kum 2019 khan Jessica Andrade hnehin Chinese mi UFC champion ni hmasa ber a ni a. A champion laiin champion hlui Joanna Jędrzejczyk lakah a title hi a humhim hman.