India ram mai ni lo, ram dangah pawh Covid vaccine latute hian thil danga insawiselna (side effect) an neih phah nual.
India bikah hian invenna damdawi peka a hnu lama viltu, kum 34 zet liam tawha din, surveillance programme chuan langtlang taka thil sawi awm lo leh a hlauhawm tia sawina awm chuan mi tam tak rilruah vaccine lak duh lohna a hrin phah an hlauh thu an sawi.
May 17 thleng khan India-ah hian vaccine lak hnuah nghawng tha lo nei mi 23,000 chuang an awm tawh a; mahse, a tam zawk hi a ‘tenau’ an tih huanga mite niin luhai, zawi, sil, khawsik leh a chiuna lai na deuh ang vel chauh a ni thung.
Tlema la na zual deuh, mi 700 an awm a, heng zingah hian June thla laihawl thleng khan mi 488 thi an awm nia chhinchhiah a ni bawk.
Sorkar erawh chuan thi zawng zawng hi invenna an lak avanga thi an ni lo tih a sawi ve thung.