A film a tha tawk lo tih pawmin, Akshay Kumar chuan film chetchhiatnaah puh tur dang an awm lova, an mahni thiam loh liau liau, a ti.
Bollywood star chuan, “Film te hi an chetha tawk lova, kan thiam lo, kan thiam loh dik tak a ni. Danglamna siam a ngai a, mipuiin an duhzawng hriatthiam a ngai. Puh tur zawn talh a ngaih chuan keimah hi ka ni mai,” a ti.
Kumin hi Akshay tan kum tha a ni lova, box office lamah a chechhe tluan parh.
Kawng lehlamah chuan, tuna flop mek, ‘Rakhsha Bandhan’ hi beiseina sang tak nena thlir a ni na a, namen lovin a chechhe thung.
Budget tam tham tak vawm luhna, ‘Prithviraj’ leh ‘Bachchan Pandey’ te pawh a lo flop ve ve tawh bawk a, Indian festival hunpui tinzawna tlangzarh te pawhin awmzia an nei lova, a zawnin Akshay Kumar film te hi an flop chho zut zut mai.
Tunah hian Disney+ Hotstar-ah a film thar, ‘Cutpuli’ tihchhuah a ni dawn a, September 2-ah en theih a ni ang.